انت البدايات ~

..
مهما خذا البعد منك .. او خذا مني ..!!
ماراح ياخذ غلانا .. من محانينا ..
شفني على بابك .. واقف اغني ..!!
انت البدايات .. واخر ساحل لومينا ..

تسريحه الكشته خخخ

تزامناً مع طلعات البر والجو الحلو تسريحة شعر اسمها (الكشته ) http://t.co/gWi4ZgTx

 

هههههههههههههههههههه

هيهآت ..

هيهات ينسى القلب شخص لعبه .. وهيهات يدله خاطري منك هيهات
وطيفك حطب عيني ..وعيني مشبه ((والشوق ))برد ما انقطع لو للحظات !!؟

اشتكي لوسادتي

أشتكي لوسادتي دنياي وأسمعها تنوح
كنها بعضي .. وبعضي وين هو .. من هو معه ؟!

ماني على خبرك

ماني على خبرك استحمل غيابك واطيق ~

انت بالذات

يا كثر شرهاتي عليك انت بالذات ولا على غيرك تراها قليله

امه داعيتله

والله ان امه دعت له عند باب الكعبه ..واحدٍ حطّك في بيته يالغلا ((عروسه))؟

ما قلت لك

مــآ قـــلــت لــكُـ >>> عـــمــر  ســيــف العــشــق مـآ يــقــتــلــكُـ  .. مـآ تـشـوفـنـي حـي قـدامـك وآنــا آمــــوت فــيـك

اجمل حظ شيء~

شي واحد قبل ما أرحل بقوله ..أنت أجمل حظ سيّىء في حياتي

كم حاجه !!

كم حاجة ماجت فـ يدي وانا أبيها ..وكم حاجة مالي ابها وجات في يدي
ماتذرف دموع عيني من محانيها ..الا اني اجبر على شي ماهو بودي

من يحدثني حديث الجمر للثلج بثغرها .. والله اني كنت ناوي لي بذاك الجمر نيه 

احبك

آحبڪ ] آڪثر من آللي بڪى في { ليلة آلزفه .،
يوم شآف آللي يتمنآهآ ’ تحلّ لوآحد ثآني !

اشتقت لك

لاتغيب الحين يوم احتجت لك قرّب أكثر والله مو وقت الغياب
 قد ماعندي هموم اشتقت لك أو بعد أكثر , عليك انت الحساب

اسكت

آسكت و خل السوالف للغلا و الحنان ..
آشتاق .. لا والله إلا آمووت لامن طرت
من قال وشلون حالك ؟! قلت طيب و زاااان
و آنا جروحي تزيد مع الزمن مابرت !

مع السلامه ،، بـ حفظ الله ياعمري ( فمان )
( الله ) لو آن المصايب من بعدها كثرت .
إن جاك منهو يقول الوقت ماله آمان ..
قول البشر للآسف باعت قلوب و شرت !

يا غايب

في غيبتــك دآيـم آردد مع النـــــــوم
بيـت ذبحـني بـ الشراييـــــن ســآري
يا غايــب عنـي تـرى للـبطــــي لوم
لاشـافتك عينـي ولا جبـــت طـــآري
كل يـوم اردد بس لاجيــت بآقـــــــوم
جاني (رديف البيــت) و الدمع جــآري
أسـأل كثيـر الصبر يمكن تــــجي يوم
تلفـي تنشــد وأنــت بالحـــــال داري

كتم الاحاسيس ~

نحب من قلب بس اثنينا نعاني
كتم الأحاسيس ما رد الهوى عنا
حنا حبيبين كل واحد يبي الثاني
لكن محد تنازل واعترف منا

يسالوني ليه احبك ,,

يسألوني ليه أحبك حب ما حبه بشر
وليه إنتي في حياتي شمسها وإنتي القمر
وليه صوتك لا وصل صحراي يملاها الزهر
علميهم يالحبيبة يا أغلى حبيبة
يسألوني ليتهم مثلي يعيشون الهوى
الأصابع في اليدين الواحدة ماهي سوا
عندهم حبك طبيعي وعندي فوق المستوى
فهميهم يالحبيبة يا أغلى حبيبة
يسألوني وفي شفاتي يرتعش حر الجواب
ما دروا إنتي بحياتي راحتي وإنت العذاب
وإنتي حلمي اللي عشقته وطار بي فوق السحاب
خبريهم يالحبيبة يا أغلى حبيبة
يسألوني وأنتي أكبر من سوالفهم جميع
وإنتي أجمل ما خلق ربي بهالكون الوسيع
وإني أتلاشى بدون عيونك الخجلى أضيع
إعذريهم يالحبيبة يا أغلى حبيبة
علميني ليه أحبك حب ما حبه بشر
وليه إنتي في حياتي شمسها وإنتي القمر
وليه صوتك لا وصل صحراي يملاها الزهر
إعذريني يالحبيبة يا أغلى حبيبة

ولا احب فرقااك

خايف يطول البعد وتسج مني         
          وياخذ مكانك شخص ماهوب يسواك
وش عاد أسوي يومك أقفيت عني         
          لا أنا أتبع المقفي ولا أحب فرقاك <<

ذكراي

ﺂ̲نَ ﻛﺂ̲إنُ ﻣﺂ̲إليُ ، ﻣنَ ﻧﺻﯾﺑﻛک ۆﻟﺂ̲إ شي .. ذﻛﻛرﺂ̲إيُ ﺗﻛكفىَ ﺿﻣﮪﺂ̲إ فيُ ﺟﻓۆﻧﻛكـ

اختبار شخصيه

اليوم سويت اختبار حق شخصيتي وطلعت هاااذي النتيجه

.
.
.

نتيجة الإختبار .. اقرأ بتمعن وبتركيز

أنت تشتهر بأنك:
المؤدى للواجب
متحفظ .. حسي .. مفكر .. حكم

صفاتك:
يظلمك الكثير .. لأنهم لا يعرفونك حق المعرفة وتعتقدون أنك معقد.
محافظ كتوم وهادئ .. تستمع أكثر مما تتكلم، ولا تبادر بالكلام .. وعموماً كلامك قليل جداً.
واقعي حسي .. ترى الواقع بحواسك وتعيش اللحظة الحالية.
تفضل تفاصيل التفاصيل .. والإتقان هام عندك.
عادل منصف، محايد صارم .. حاسم وجاد جداً جداً .. المرح في حياتك قليل جداً.
حياتك منظمة إلى أبعد حد .. هادئ تركز بشدة وبدقة في عملك.
تقصد ما تقول، وتقول ما تقصد .. واضح إلى أبعد الحدود.
أي مؤسسة تعتمد أساساً على هذا الإنسان .. لأنك صارم في تطبيق خطة العمل مهما كانت، ولأنك ثابت قوي للغاية.
عندك كلمة شرف، فإذا قلت تلتزم بكلامك مهما حدث.
تفضل أن تنظم الأمور من حولك.
أهل للمسئولية .. من الطراز الأول.
قوتك في التزامك بمبادئك، وإحساسك بمسئوليتك .. ولاؤك صلب لا يتزعزع.
مخلص جداً تقوم بالمهام الموكلة إليك على أكمل وجه .. وبطاقة مستمرة وبلا كلل.
تستطيع مواجهة المعترضين بكل قوة وصلابة .. ولا تهاب أحداً.
تفضل أن تعمل لوحدك .. ولكن أيضاً تعمل ضمن فريق عمل.
تقيم الناس على نتائج أعمالهم .. وليس على مكانتهم وأشخاصهم.
واقعي .. عملي .. ومنظم للغاية.
عاقل جداً ومتزن .. مستقل في رأيك ولا تقلد الآخرين.
لا تميل للمرح .. وتلتزم بالأصول والنظام والترتيب والقانون .. تلتزم بالمواعيد.
قوتك في صلابتك .. وهذا ما تكرهه الناس فيك.
متين متماسك .. ولا تثنيك المشاكل.



... والله في كلاام صج وفي كلاام غلط .. يقولون ان انا ما احب المرح << غلطانين والله
محسسيني اني اغث انسانه ..هههههاي

ينتظر ...

وش حيلة  آللي ينتظر شوف غآليه •» 
            ودآرهـ بعيدهـ والهوآتف مغآليق
أشفق على شوفه ورقمـّه وطآريه •» 
         وأصبر و أسلي خآفقي بآلطوآريق
لبيـّه يآسـّيد المخـَآليـّق لبيـّه •» 
          ولبيه يآحبـ(ن) سكن فـ المعآليق
عجل على آللي بيـّح آلبعد خآفيه •» 
       بين آلسهر وآلشوق وآلهم وآلضيق

ماعليها حلا

بـاكر ان قــــــاله الله نلتــــــــــــقي والغـــــلا

.. يمحي الحزن كــــــله والفراق الطويـــل

ديرتـــــن منت فيهـــا مـــــاعليهـــــــا حــــــلا

.. لـــو تبل السحايـــب قاعهــــا كـل ليـــل

يــشـــهد اللـــه بـــــدونك خاطري ما ســــــــلا

.. الجفــــا مـــاقدر ياخــــــذك مني قليــــل

تدري ويـــــن االمصيـــــه بروحتــــــي والبلا

.. انــــي رايح وانــا ادري انت مالك بديـل

شايلـــــــك في عيونـــــــي عن عيـــــون المــلا

.. كان تبـــــغى دليل اعطيك اكبر دليــــــل

واللـــــه اني كريــــــم يعـــــاف شـــــوف بخــلا

.. لكــن أني حفظتـــك مثل حفــــظ البخـيــل

ارقــــد امـــن ماغيــــــرك وسط قلبــــــــــي ولا

.. ممكــــن يكون حتى مر عـــــابر سبيـــــل

ضمـــــــني ماتكفـــــــــي آن جيـــــت قولت هـلا

.. المشــــاعر من الفرقــا تحط وتشيـــــــــل

كــــــل واحــــد بقلبــــــه ديرتــــــــــه لوجـــــلا

.. لاتخــاف الاصيل ان غاب قلبه اصيــــــل

ديرتـــــن منـــــت فيهـــــــا ماعليـــــها حــــــــلا

.. لـــو سحايب مطرها بكل وادي تسيــــــــل

~ I miss you

ربما كان يجب علي أن أعترف منذ زمن أن الحنين إليهم
قد فاض بي و أنني مهما أسرفت في الغياب
و مددت بيني و بينهم المسافات الطوال سأظل
أشتاق إليهم

   ~ I miss you 

الله ما قسم ‘‘

يمكن آلله مآقسم حب(ن) يدؤم
(لكن آشهد عقبك آلخآفق (خلي
مآلنآ قدره على كسر / آلقسؤم
لكن آسمع كلمتي .. فيمآ يلي
ؤآلله لؤ تقعد آلدنيآ ؤتقؤم
آنت آغلى ؤآحد(ن) يطرى علي

يجيب السفر طاريك ,,

يجيب السفر طاريك يا حيّ ذا الطاري ..
 و أنا بين تغميض العيون .. ومدامعها ..
غريب السفر !! والأغرب احساسه الناري..
 يا كم ناس فرقها !! وكم ناس جمعها ..!!
فـ على الرغم من كمية الكبت الإجباري ..
 يـبـيـّن شعور الناس ..[ لما توادعهـا ]..!!
وأنا لا بكيت / البكي جهدي وإصراري ..
 إحس إني أنظف خلق ربي و أورعها ..!!
ترى الشاعر ليـّا حب / ينجن و يماري ..
 مثل من معه ثروهـ .. ويـبـغى يوزعها ..!!
أحبك / وإذا ما كنت داري .. أنا داري ..
 أنا كل يوم أقــولـهـا .. لـو مـا تـسـمـعـهـا ..!!
حـبـيـبـي .. لـلـوفـاء .. بـايـع وشـاري ..
 تـخـون النـفـوس .. إن مالقت شي يـمنعها ..
هداياي / كتبي / باقي اغراضي / أشعاري ..
 إذا إنـّا تـفـارقـنـا .. طـالـبـك لا تـقـطـعـهـا ..!!
تبرع بها .. لو ما أنت راغب .. ولا ضاري ..!!
 لعل وعسى / تلقى لها نـاس تـنـفـعـهـا ..!!

السفر .. شيء مزعج !!

شي مزعج لو يسآفر من تحب
رتب ثيآب السفر وانت تشوف ..|
الحكي في هذي اللحظه .... صعب ..!
المشآعر وين ووينك يا حروف ..!

.. (الــسفــر ) ..

سافر
عسى ربي يحرسك وياقاك ..!
هذا البخت !
عزاااه .. وش في يديني ؟
يا شين باكر يا حبيبي بلياك !
لا جاء وعدك .. / اللي بوقته تجيني !
هذا وهو تــوك تطري بممشاك !
وشلون لي قفيت [ يـا نور عيني]

لبى كلك ’’

لبـى عيونـك لا لبـى محيـاك
حتى ثيابك (( ايه )) لبى ثيبـاك
لبيك من راسك اليا حـد ماطـاك
لبيك من بابـي اليـا حـد بابـك
ياصاحبي صاحبك للوصل نـاداك
ارجع عليـه ولا يطـول غيابـك
وهذي يميني حطها وسط يمنـاك
واطلق (( قيود )) ارواحنا لتشابك

حلم ..

لو ان مااصيح باسمك واكشف اوراقي
اسمك مثل حلم ماني قادر اوصله
آآآآه لو اوصلك
ياويلي من اشواقي
وان مت في سكتك
هذا الشرف كله
تصدق ان حبك خرب اخلاقي
لاني اذا شفتك اطنش كل خلق الله

السلسال ~

 

ترافقــــت أناوياه من يوم كنا اطفــــــال .. تكــــون غـــــلاه بوسط قلبي وكبــــرته
قبل مايغطـــــي ليله المنتثــــر بالشال .. سرقت الكرى من نـــون عينه وسهرتـــه
نقش كل حرف(ن) من حروفي على السلسال .. تباهى بها واغاظ ناس(ن) مجاكرته
كتبت القصايـــد في عيونه على اليامـــال .. وليامرنـــي صــوت النواخذ تذكـــــرته
تكاثر علي الله يجازيــــه كيف الحـــال .. وانايــــوم اســـوق العمر له ماتكاثرتــــه
بعـــد كل هالتقديــــر والحب والاجـــــلال .. تغيـــــر وهقـــــواته علي مغــــــيرته
لبستــــه ثياب الغطرســـه لين جا يختــــال .. وكبـــر في عيونه يوم الاوهام غررته
واذا السالفه ضحك ومهازل ولعب اطفال .. خبطت الغصن لين ابرق الريش طيرته
خلصنــــا وقفلنا الصناديـــق بالاقفـــال .. ومن جـــور حكمه كامل القلب حررتــــه
على الهــــون ياجرح المفارق وضيـــق .. على الهــــون ياهم(ن) سطابـــي وقدرته

"قلــب ما سكــن فيــه مخــلوؤق"

أهديتلگ" ..
" قلبٍ "مآسِگن فيه [ مخلوق
" قلبٍ "عَجز لآيقنعَه أي إنسِآن
" قلبٍ عَنيد "ونظرته " دآيمٍ فـوق "
" قلبٍ گتوم " ومآشگى هم وأحزآن
" قلبٍ " بغآگ وحآفظگ وسِط صندوق
" قلبٍ " ترى غيرگ ولآ هزه إنسِآن
.

<< مجنــــون فيــــك >>

مجنون فيك وماني بعاقل

خل العقل للي يلومني

نعم احبك وانت تستاهل

فيك انت مااسمع لو يعذلوني

من يوم شفتك قلبي تفائل

سكنتك بقلبي وبعيوني

كامل بعيني والله الكامل

واضيع لامن قلت لي شلوني

لاغبت لحظه عني اتسائل

واخاف في حبك يحسدوني

اموت بعيونك وانا قايل

مجنون فيك وانت مجنوني

صدوف الوقت صارت بخيله ,,

يانور عيـــني فــــرقتنا المــــقادير,,,,,,والكل منا مبعدن عن خــــــــليله
حكم القدر ياصاحبي لازم يصــــير,,,,,,,وليا حكم محدن يحاول يزيـــــله
مدري من ايام الدهر حصل تقصير,,,,,,ولا صدوف الوقت صارت بخيله

طول الجفا ..

شفني على طول الجفا ما تغيرت
اتروح وتعود وانا في محلي
ولاانت من حبي وشوقي تكبرت
لنك تعرف اهواك واعشقك كلي
ماعاد ينفع لو سكت وتصبرت
دامك تحسب ان المحبه تسلي
عز الله اني في وصالك تحيرت
حيرتني بين الجفا والتغلي
لا اتلومني لا رحت عنك ودبرت
مادمت منت اتحس بي ونت خلي

الامام الشافعي

الدهر يومان ذا أمن وذا خطر ..... والعيش عيشان ذا صفو وذا كدر
أما ترى البحر تعلو فوقه جيف ..... وتستقر بأقصى قاعه الـــــــــدرر
وفي السماء نجوم لا عداد لها ..... وليس يكسف إلا الشمس والقـــمر

اختلفنا ‘‘

إختلفنا ‘‘
مين يحب الثاني أكثر
وإتفقنا
إنك أكثر وأنا أكثر
من عدد رمل الصحاري
من المطر أكثر وأكثر
كيف نخفي حبنا والشوق فاضح
وفي ملامحنا من اللهفة ملامح
عاشقين ونبضنا طفلٍ حنون
لو تزاعلنا يسامح
والهوى شئ مقدر

إختلفنا
مين يحب الثاني أكثر
هنني يلي جميعي لك هنا
حطني بأخر مداي
طيرك اللي مايبي غيرك أنا
ضمني إنت فضاي
تصدق إني فيك مغرم فيك مغرم فيك
والحياة وش الحياة إلا مشاهد ناظريك
يا نهارٍ لو تغيب الشمس واضح
كيف نخفي حبنا والشوق فاضح
وفي ملامحنا من اللهفة ملامح
عاشقين ونبضنا طفلن حنون
لو تزاعلنا يسامح
والهوى شئ مقدر

يمك دروبي
وكل الناس يدروبي
وأنا أدري
وكل قلبٍ له حبيبه
وإنت محبوبي ..

تعود يلتقيك

وش يقول اللي تعود يلتقيك
يوم عمره مالقى عقبك غلا
ماقدر في بعدك إلا يحتريك
وماعرف في غبيتك غير الوله
كم تمنى بالوفا لو يحتويك
في خفوق باصدق الود امتلا
لوبيدينه بس يقدريجيك
مايحول الوقت والملا
>>>>

اموت فيـك ‘

أَمُوْت كُلِّي مَعَڳ ..:$
و أمُوُت فِيْڳ وَعَلَيْڳ
اسْمُڳ .. سَمَاتِڳ ..
سُمُوَّڳ .. سِمِيّڳ .. مُسْتَوَاڳ ♥♥
اشْتَاق لڳ و اشْتكي لڳ
مِنْڳ وأِشْكِيڳ إِلَيْڳ ..:$
كِلِّڳ مَلَكَنِي وَكُلِّڳ فِي عُيُوْنِي مَلَاڳ

لاتكن يائــس "

" اليائس يجد صعوبة في كل فرصة و صناع الحياة يجدون فرصة في كل صعوبة "

مــع الســلامــه

لا صرت  بايعني  ..  اشوفك  على  خير
مع السلامه  ..  دام  ما  به  سلامه  !!
قلت : انتهينا؟ قلت لك : خير  يا  طير  !
ماني   باول   شخص   يخسر    غرامه
محذرك    من    قبلها    الف     تحذير
لا   عفتني   بيعيف   قلبي   هيامه   ؟؟
مانيب   ميّت   لا   ولا   احتاج    تبرير
صح   الله   لسانك   ..   ووفر   كلامه
ما  كان  حبك  غير  بس  طعنتك   غير
علمتني     معنى     الندم      والندامه
ما   جاك   مني   اي    زله    وتقصير
كل  ما  خطيت  اعاتبك  ..  بابتسامه  ؟
حسبي  على  الذكرى  اذا  هبت   عصير
ما   عاد    تنفع    شرهتي    والملامه
ما  فيه   داعي   للعتب   والمعاذيرالغدر
( خال ) الجرح واطيّب  (  عمامه  )  !!
أما  يجيب  الله  مطر  ..  تالي  وخير  ؟
ولا السلامه  مااااش  مامن  سلامه  !!

صـــدفـــه ,,

يآليت مـن ودي عيـوني [ تشوفھ ]
آلقآھ وآقـف بيـن / رمشي ورمشي
ويآليت من جارت علينآ [ ظروفھ ]
نلقآھ لو صدفھ / مع آلنـآس يمشي

القلب دارك ~

تفضل ترى بالقلب دآرڪِ ومنزآلڪِ
على مآتبي نفسي تجي وآنت رآعيهآ
ترفق بقلب صرت تلعب به لحآلڪِ
يقول القصآيد وانت بعده تغنيهآ
أحبڪِ وأحب آسمڪِ ورقمڪِ وجوالڪِ
وأحب الديآر اللي رجولڪِ مشت فيهآ

قصــر الغــلا..

في القلب قصرن للغلا وأنت بانيه

حراسه أشواقي وطيبـة ظنونـي

أظن بك ظن الوفا وأنـت راعيـه

ياللي طيوفك في الغياب إسكنوني

أنا بدونك باقي العمـر مـا ابيـه

هل تستطيع تعيش عمرك بدوني ؟

.. يا حبنــي لــك ..

ابسألـك بالله للحـيـن مااشتـقـت "
" انـا ذبحنـي الشـوق الله وكيـلـك
بقولك حاجه ..؟ . فرحت أو بعد ضقت "
" اقّفيـت والا جيـت ياحبـنـي لــك

العبره اللي لها يومين ~

العبره اللـي لهـا يوميـن تخنقنـي

خذيت منها على مر الزمـن عبـره

آفرح ليا بان وآحزن لاسـلا عنـي

إلين ماصرت في دور الهوى خبـره

تآمرني آنساك بنسى ويش يمنعنـي ..!

لكن لياجيت في بالي وش الدبـره ..؟

خذيتنـي سالـي ودالـه ومتهـنـي

ورميتني شـاعرٍ ساهر على حبـره

الله حسيبك على الضيقـه معودني

ياكاسر الخاطر اللي شوفتك جبـره

تطلب وآنفذ وآبي قربـك وتجهلنـي

كني طلبتك تحفـر البيـر بـ الأبـره ..!

تقول :- يامكرم القيفـان تخدعنـي

وآقول :- بعدك كفنه وغيرتـه قبـره

طيفك على صدك وبعدك مصبرنـي

لو كان طيفك يشيل القلب من صبره

آمهلتني للزمـن والوقـت مهملنـي

ياحـر كبـدي على حاجـات منثبـره

واللي سرق بالي وحيّـره وآشغلنـي

طاريـك لامـر وش دخلـه بالنبـره

موج الغلا يم سيف الشوق يدفعنـي

ياقرد حظي معى شفّـي وياغبـره

إليا طلبته يقـول آسـف وفارقنـي

اللي معى مايعـل النفـس ياكبـره

ولا انت ياحزبة الضامـي معذبنـي

متى نصادف طريقٍ نلتقي عبره ..؟

آبتصل فيك لاا ..! مانيب متعنـي ..!

آخاف لاقلت ( آلوو ) تخنقني العبره

الله الله .. والله اتك مبدع يا ابن سبيل ..~

{الوحــده + الحــزن }

... الوحده ...
هو ان تسمعهم وتفهمهم ولا تجد من يسمعك ويفهمك

... الوحده ...
هو ان تعيش احلامآ لاتتحق ابدآ

... الوحده ...
هو ان تعشق شخصآ يعشق غيرك

... الوحده ...
هو ان تتمنى قرب من تحبه ولكنك تتفاجأ ببعده عنك

... الوحده ...
هو ان تحاول ان تفهم الاخرين وتتجاهل شعورك لاجلهم

... الوحده ...
هو ان تجد من يحبك ولا تحبه وتبتعد عنه وعندما تتمنى العوده اليه تتفاجأ بموته

... الحزن ...
هو ان تعيش اسعد لحظات حياتك مع شخص ثم تكتشف انها كانت مجرد اوهام

... الحزن ...
هو ان ترخص حياتك لمن تحبه وتجده يرخص حياته لغيرك

... الحزن ...
هو ان تحب وتحب ولكن الفراق يحكم عليهم ويغير مجرى وطعم حياتهم

مــؤلم جــداا ..~

شهر رمضاان

مبــارك عليكم الشهـــر ..  وعساكــم من عـــواده يــارب ..

وكل عام وانتم بالـــف خير ..

وبــس ~

ما احبــك ~

‏​‏​‏​‏​‏​ﻣﺂ ﺂ̲ﺣﺑڳك ۈ ﻣﻟيت ﻣﻧڳ ۈﻟا ﺂﺑﻏﺂ̲ڳ
 ۈﺂﻟﻟي ﻣضى ﺑﯾﻧي ۈ ﺑﯾﻧڳك ﻧﺳﯾﺗهہ

ھذﺂ̲ ﺂ̲ﻟ̲ڳلام ﺂ̲ﻟ̲ﻟي ﻟ̲ۈ ﺂﻣۈت ﻣﺂ ﺟﺂ̲ڳ
  ﻣﻧي ۈﻟ̲ۈ ﻣﺂﺗۈۈ ﻗھہر ﻣﺂ̲إ ﺣﻛﯾﺗهہ
   

ههههاي

​​

​وحده تشتكي لصديقتها تقول لها :

كل يوم أقوم من النوم أشوف على وجهي ماء وما أدري وش السبب. قالت لها : اليوم غمضي عيونك بس لا تنامين

.

وفعلآ في الليل زوجها جنبها يطالع التلفزيون وكلما يشوف وحده حلوه يتفل على زوجته ويقول هذي الحريم مو إنتي

.

Ƙ

αά̖ὰ̗=))α̖α̗:P

​​​​​​​​​​​​

​=D{..هہْہْْہْْْہْْْہْْہْـ(=)))ـہْہْْہْْْہْْہْہٱٱٱي..}

　　　　　

ɑ̷̜̌̋ɑ̷̜̌=))ɑ̷̜ɑ̷̜ɑƘ

مؤلم جدا

آنـآ ... لو آنـيّ فـيّ حيآتـيّ .. مخير ’
مآگِآن خليتگِ ¸ ؤآنـآ خاطريّ فـيڳ !
آنا ( مسيّر ) ، ؤآنت مثليّ ( مسيّر )
تبغينيّ ؤ تقفيّ ¸ ؤ آقفيّ ؤآنآ آبغيك

الحظ الردي

تولعت بك و الله كتب لي على فرقاك ..
حسبي على الحظ الردي كانه اشقاني ..
انا ماشعرت اني مع الناس قبل ألقاك ..
ولا ذقت لدنيا طعم قبل تلقاني ..
ولا كنت احس بروعة الحب قبل اهواك ..
و لولا عيونك ما كتبت اجمل ألحاني ..
سقى الله ليالي خالده عشتها وياك ..
بدرب الحويه بين عشب و غدراني ..
تذكرت يوم اقبلت كنك تحسب خطاك ..
تمايل بعود نايف الطول رياني ..
و على طرف ملبوسك الضيق بيمناك ..
و شلال شعرك تنثره فوق الامتاني ..
ترى اللي يسليني عن مشاهدك ذكراك ..
انا مستحيل انساك اخاف انت تنساني ..

النفــس طابــت ..

*تَرآ .. آلنفَسّ  ☇
     لٱ طًآبت من ٱلشي طآبت   ،</3
          لوو گآن ( سِسِسِكَر ) صَآرَ بلسَآنھ
             .. ..  ┇   مُرِرِ </3

"هو قلمي "

هو قلمي ..

..يكتب مايريد ..يعبر عن رأيي
..وضعت له خطوط حمراء لا يتجاوزها
ليس لاي كان سلطه عليه..
..ليس المهم ان يرضي الناس
الاهم ان يرضي ضميري ..~

تعريف بنفسي ~

بسم الله الرحمن الرحيم ..

السلاام عليكم ..شلونكم ؟ عساكم طيبين ؟ 

اللحين ابي اكتب كل شي عني .. يعني ( تعريف بنفسي )..

انا اسمي هــآجر الحربي <<

مولازم  اكتب العمر لان  انا كل يوم  اكبر عن اليوم اللي قبله *_*

من دوله الكويت ..

واللحين الثلاثاء الساعه ثلاثه الفجر ودقيقتين .. التاريخ 26\7\2011

وبــس ~

تم بحمدالله .. خخخخخ